وزير المالية: ما كايناش الزيادة لا فالبيرة ولا الروج ولا حتى الويسكي

عن الاخبار

واخيرا ناضو البرلمانيين يدافعو على شعب شاريبان. هاد الشي كان دارو البرلماني دعيدعة ودابا فتح الطريق لوحدين اخرين يدافعو على السكارية على القدرة الشرائية لهاد الفئة من لمغاربة اللي ديما كتاكل لعصا. البارح فاجتماع لجنة المالية والتنمية الاقتصادية بمجلس المستشارين كان هاد الدفاع. عبد الحميد الفاتيحي من الاتحاد الاشتراكي طالب الحكومة تحمي القدرة الشرائية لشعب شاريبان وعارض فرض ضرائب جديدة علي الشراب بكل انواعو.

بنشعبون كاي وزير متخلف رد “واش متأكد لمغاربة كيشربو الشراب” وهو يصماتشيه عبد الحق حيسان عن الكونفدرالية الديموقراطية للشغل “خرج غير فالشارع قدام البرلمان وشوف شكون كيدخل للحانات واش المسلمين ولا الاجانب من بعدو دخل برلماني البام الحو المربوح اللي زاد “كون كان غير الاجانب للي كيشربو هاد الاستهلاك العام فالمغرب من المشروبات الروحية٫ حتى واحد ما يخرج ساحي” وطالب بحماية المستهلك من الخمور المهربة اللي كتضر حتى الاقتصاد الوطنيوزير المالية رد باللي ما غادية تكون حتى شي ضريبة لا على البيرة ولا الشراب ولا حتى الويسكيوقال ان ما جاء فقانون المالية الجديد هدفو  توحيد وجمع الضرائب التي كانت مفروضة على المشروبات الكحولية في ضريبة واحدة تسمى “الضريبة الداخلية على الاستهلاك”، عوض “الضريبة الخاصة”، و”الضريبة على القيمة المضافة”، وتم تحديد قيمة هذه الضريبة في مبلغ 1000 درهم للهيكتوليتر الواحد بالنسبة لجميع أنواع الجعة (باستثناء الخالية من الكحول)، ومبلغ 800 درهما للهيكتوليتر الواحد بالنسبة لباقي أنواع الخمور الأخرى، وتهدف الحكومة من خلال هذه الإجراءات إلى رفع مداخيل استهلاك الخمور والكحول والجعة بنسبة 6,33 بالمائة، خلال العام المقبل بالمقارنة مع مداخيل السنة الحالية.