الخبر:7 نصائح غتحميك من التجسس على التيليفون والبيسي ديالك
(الأقسام: فن و ثقافة)
أرسلت بواسطة admin
الجمعة 13 أبريل 2018 - 10:06:21

بزاف ديال الناس كيخافو من التجسس عليهم ، من خلال كاميرا البيسي او التيليفون وكينوضو يغطيو العدسة بالسكوتش ، وهاد الطريقة تقدر تنفع لكن ماشي ديما حيت لي كيختارقو الحواسيب راه مكيكتافيوش بقرصنة الكاميرا بوحدها لكن حتى الميكرو ، والسكوتش مغاديش يحمي الميكرو ،لهذا هاك مجموعة ديال النصائح غادي تقدر تحميك.

1- تقدر تغطي كاميرا الكمبيوتر المحمول بالسكوتش الكحل لي مكيبينش .
2- فاش تسالي من الكمبيوتر طفيه حتى متبقى تا بولة شاعلة فيه ، او دور الكاميرا جيهت الحيط إذا مكنتيش باغي تطفيه حيت خدام فشي حاجة مهمة .
3- ماتبقاش تبرك على اي رابط مشبوه أو تيليشارجي اي حاجة لقيتيها، وإذا جاوك ميساجات معارفش مولاهم ماتحاولش تحلهم ومسحهم فالبلاصة.
4- تيليشارجي ضروري شي “أنتي فيروس” مزيان .
5- إذا كنتي خدام بجهاز من نوع “ماك”، فتيليشارجي تطبيق OverSight المجاني، وبيه غادي تعرف إلا كانت كاميرا الويب مطلوقة و بهاد التطبيق غاتراقبها هي والميكرو .
6- إذا كنتي من مستخدمي الويندووز، فخاصك تيليشارجي تطبيق Who Stalks My Cam باش تعرف التطبيق الي كيستخدم الكاميرا، وغادي تظهر ليك قائمة “Webcam Events” فيها أحدث محاولات الإختراق الكاميرا ويب ديالك.
7- وفي النهاية خاصك ديما ترد البال ومتبقاش تابع الإشهارات والإعلانات الخيالية والرسائل غير الواقعية بحال ديك الي كتوعدك بالفلوس وجوائز وأرباح وغيرها من أدوات النصابة لي كيديرو باش يجذبو ضحاياهم .


قام بإرسال الخبرجريدة شيشـــاوة اليــــوم
( http://chichaouaalyaoum.com/news.php?extend.17967 )