زيارة ملكية لمراكش و احتمال كبير يكون فيها مجلس وزاري

علم من مصادر مطلعة، أن الملك محمد السادس، غادي يجي يوم غد الثلاثاء، إلى مراكش، قدما إليها من مدينة الرباط. المدينة بدات كتزيّن هادي يومين وكاين استعدادات على قدم وساق باش تدوز هاد الزيارة في أحسن الأحوال.

كما توقعت المصادر نفسها، أن يترأس الملك محمد السادس فهاد الزيارة التي كانت مبرمجة من قبل، مجلسا وزاريا، باش يتدارسو فيه مشروعي مرسومين ديال كيفية تطبيق قانون الخدمة العسكرية، لي صادقات عليه الحكومة ف المجلس ديال الأخير ديالها.

وأفادت مصادر “كود” أنه في حالة انعقاد المجلس الحكومي كاين احتمال كبير باش يتم تعيّين عدد من الولاة والعمال، مع إحالة البعض منهم على التقاعد بحال الوالي ديال جهة كلميم الناجي أبهي.

المهم دبا مزال مكاين شي حاجة رسمية وحتى الوزراء ديال حكومة العثماني مزال ممعلوم حتى شي حد فيهوم بانعقاد شي مجلس وزاري بمراكش.

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *